Den 23-järege Schauspillschüler Samuel Koch war beim Versich, mat der Hëllef vu Sprongfiederen iwwert en Auto ze sprangen, gestierzt a gouf dobäi schwéier verletzt. Et ass eng Verletzung um Halswirbel festgestallt ginn. De Réckemark ass och betraff.

No enger Noutoperatioun ass de Koch an e kënschtleche Koma versat ginn. Wéi eng Spriecherin vun der Uniklinik zu Düsseldorf matgedeelt huet, gouf et iwwer dem Sonndeg keng Verännerung um 'kriteschen' Zoustand vum jonke Mann.

De Bellut huet d'Virwërf vum Sender NDR zeréckgewisen, datt d'RTL Show esou eng riskant Wett zougelooss huet fir d'Quoten an d'Luucht ze bréngen. Nom Ongléck war 'Wetten, dass...?' fir di éischt Kéier an der 29-järeger Geschicht vun der Show virzäiteg ofgebrach ginn.

Authors: news352

klickt hei fir mei ze wëssen