Wéinst der Ouverture vun engem neie Rocker-Clubhouse, Gremium MC, am Industriegebitt zu Konz-Könen, huet och d'Police de vergaangene Weekend an engem Groussaufgebot missen urécken. Et war gefaart ginn, dass e rivaliséierende Club aus Lëtzebuerg do hätt kéinten eng Kläpperei provozéieren an ausléise kënnen.

Der Police no, haten d'Hells Angels vu Lëtzebuerg sech am Virfeld vun dëser Ouverture géint de neie Club ausgeschwat. Fir d'Police  e Grond, dës Ausso duerchaus Eescht ze huelen.

D'EU-Kommissioun wëll de Kampf géint d'Fëmmen elo däitlech verstäerken. “Dat idealt ass en dampfräit Europa”, sou den EU-Gesondheetskommissar John Dalli. Hien huet dann och ugekënnegt, dass d'Kommissioun nach am kommende Joer nei Gesetzespläng virleeë wäert. Zil vun der neier Tubakproduktiouns-Riichtlinn wäert et sinn, d'Fëmmen a sämtlechen EU-Länner manner attraktiv ze maachen, ma och manner gesondheetsschiedleg ze maachen. Dëst beispillsweis duerch eng Verréngerung vu gëftegen a