Uniounsmember Joao Proenca huet zu AFP gesot, et wier inakzeptabel datt d'Aarbechter 'all d'Sacrifice maache mussen'. 'Mir kënnen net akzeptéieren, datt di éischt, zweet an drëtt Prioritéit vu Portugal den Defizit ass', sot hien.

D'Oppositioun, d'Sozial Demokraten, huet gesot datt si sech vum Vote enthalen am Plaz géint d'Spuermoossnamen ze stëmmen, well si déi fragil Finanzen vum Land net kompromittéiere wëllen.

Lissabon versicht déi international Investisseuren z'iwwerzeegen, datt Portugal net, wéi Irland oder Griichenland, eng EU-Finanzbäihëllef ufroe wäert. Den Austeritéitsbudget soll de portugiseschen Defizit vu 7,3% op 4,6% vum GDP am Joer 2011 reduzéieren.

De Wuesstem an d'Produktivitéit vu Portugal huet sech net säit der Aféierung vum Euro substantiell erhéicht. Vill Experten soen elo, datt den Taux d'Echange ëm déi Zäit onrealistesch war. D'Land huet et virun allem schwéier fonnt, trotz enger staarker Textilindustrie, mat China ze konkurréieren.

Authors: news352

klickt hei fir mei ze wëssen